Дүйсенбі, 12 сәуірде Жер реформасы жөніндегі комиссия мүшелері ауылшаруашылыққа арналған жерлерді цифрлық бақылау жүргізетін қызмет жұмысымен танысады. Журналистерге бақылау қызметінің әдіснамасы мен механизмдері де көрсетіледі, деп хабарлайды «Ақпараттық-есептеу орталығы» АҚ баспасөз қызметі.
Қазақстанда ауылшаруашылық жерлерін ұтымды пайдаланудың ауқымды мониторингі 2021 жылы басталды. Алайда, мониторингке қатысушылардың барлығы бірдей оның қалай жүзеге асырылатындығын және қызмет қалай бағалайтындығын толық түсінбейді: жер ұтымды пайдаланылып жатыр ма? Осы және басқа сұрақтар қарапайым фермерлер мен қоғам қайраткерлері арасында да, БАҚ өкілдері арасында да туындайды. Осы сұрақтарды Жер реформасы жөніндегі комиссияның мүшелері де қояды.
«Бұл жайында түсініспеушілік бар. Тіпті белгілі бір қарсылық бар. Бірақ бұл «консерватизм», оның артында ашық түрде жұмыс істегісі келмейтіндік байқалады. Адамдар әлде түсінбейді немесе жаңадан қорқады. Бірақ нақты өз жерімен жұмыс жасайтындарға, яғни жерді жыртуға, егуге, егін жинауға немесе мал жаюға, жем-шөп үшін қолданатындарға мониторинг үшін алаңдауға ешқандай негіз жоқ », - деді Азамат ҚҰРМАНОВ, «Ақпараттық-есептеу орталығы» АҚ бас маманы.
Құрмановтың айтуынша, сервисті таныстыру, цифрлық мониторингтің әдістері мен механизмдерін түсіндіру арқылы авторлар оның тиімділігі мен объективтілігін көрсеткісі келеді. Әзірлеушілер цифрлық мониторинг саланы мөлдір етіп, сыбайлас жемқорлық өрісін едәуір азайтатындығына сенімді.
«Сандық мониторинг, ғарыштық мониторинг панацея емес. Бұл мемлекеттік органдар үшін, фермерлердің өздері үшін жақсы құрал. Ия, кейбір техникалық ақаулар бар, бірақ өте сирек. Мысалы, жақында Ауылшаруашылық министрлігінің ҰАҒББО-тен АШЖБ базасымен, яғни ауылшаруашылық жануарларын бірдейлендіру базасымен интеграциялауда проблемалар туындады. Осыған байланысты жайылымдарды бақылау қызметі және басқа да бірқатар қызметтер уақытша ажыратылды. Енді мәселе шешілді. Біз осы барлық техникалық нюанстар мен сандық мониторингпен жұмыс жасаудың әдістемелік аспектілерін осындай таныстырылым арқылы халыққа, комиссия мүшелеріне жеткізгіміз келеді », - дейді спикер.
Қызметтің тұсаукесерін бұқаралық ақпарат құралдары мен қоғам өкілдері бақылай алады. Қауіпсіздік шараларын сақтау үшін іс-шараға қатысушылардың саны шектеулі. Жиналыстың модераторлары болып, ұйымдастырушылардың өтініші бойынша, Жер реформасы жөніндегі комиссия мүшелері, қоғам қайраткерлері Мұрат ӘБЕНОВ пен Мұхтар ТАЙЖАН жүргізеді. Іс-шарадан онлайн трансляция Мұрат ӘБЕНОВТІҢ Facebook-тегі парағында (https://www.facebook.com/murataben) және KUN.KZ YouTube каналында (https://www.youtube.com/hashtag/kunkz) көрсетіледі.
Іс-шараға қатысу үшін БАҚ өкілдерінде аккредитация болуы қажет. Ол үшін 9 сәуір, сағат 18:00-ге дейін +77015178550 (Гүлмира ОҢАЙБЕК) нөміріне қоңырау шалу немесе электронды поштаға: media@qoldau.kz жазуға болады. Қатысушылардың саны шектеулі болғандықтан, аккредитация алған жағдайда, телеарналардың түсірілім топтарына және басылымның фотографтарына фото мен видео материалдарды («суреттерді») түсіру үшін басымдық беріледі. Түсіністікпен қарауларыңызды сұраймыз.
Іс-шара сағат 15:00-де өтеді. 04.12.2021ж., мекен-жайы: Нұр-Сұлтан қаласы, Astana Hub («Экспо» аумағы), Мәңгілік Ел даңғылы, С4. Блок 6, 4 қабат, Конференц-зал.
