Бұл туралы ауылшаруашылық сақтандыру нарығындағы бірыңғай оператор – «Ауыл шаруашылығын қаржылай қолдау қоры» хабарлады. Сақтандыру өнімдерін мақұлдау туралы хабарлама компанияның ресми сайтында қол жетімді.
Ауыл шаруашылығын қаржылай қолдау қоры оператор ретінде сақтандыру сыйлықақысының бір бөлігіне субсидия төлеу үшін жауап береді. Фермерге сыйлықақының 100% төлеудің қажеті жоқ (1440 теңге/1 га) — механизм бастапқыда елу пайыздық «жеңілдікпен» сақтандыруды қарастырады. Төлемдер сақтандыру сомасының 48% дейін жетуі мүмкін — бұл әр гектарға 14 400 теңге.
Алайда, осы маусымның басты ерекшелігі — ауылшаруашылық сақтандыру нарығын реттейтін нормалардың ұзақ уақыт қабылдануына байланысты, мемлекет те, сақтандыру және қайта сақтандыру компаниялары да сақтандыру шарттарын ұзартуға көшті. Белгіленген мерзім 15 маусымға дейін. Бүгін де тәжірибелі фермерлер топырақ ылғалының жетіспеушілігіне қай аудандар бейім екенін көре алады. Осылайша, олар үшін сақтандыру ақ құрғақшылықтың салдарын жеңілдететін нақты дағдарысқа қарсы жоспарға айналады.
«Бүгін де біз көптеген аймақтарда ылғал тапшылығын байқаймыз. Бұл фермерлер үшін жақсы мүмкіндік. Бұл өсімдік шаруашылығындағы ерікті сақтандырудың алғашқы маусымы екенін ескере кету керек. Сақтандыру «онлайн» және комиссия мен агенттердің қатысуын талап етпейді. Бұның бәрі ақпараттық жүйелердің көмегімен, жер серігін жерді қашықтықтан зондтауды қолдана отырып түзетілген. Ол жұмысты Голландиялық мамандар істеп жатыр, ал Швейцариялық қайта сақтандыру компаниясы төлемдерге кепілдік береді. Бұл әлемдік ауылшаруашылық сақтандыру нарығында қол жетімді ең озық технологиялар, енді оны қазақстандық фермерлер де пайдалана алады», — дейді Қазақстанның ауылшаруашылық сақтандыру қауымдастығының басшысы Елдос ӘУЕЗБЕКОВ.
Топырақ ылғалының жетіспеушілігінен немесе асып кетуінен сақтандыру объективті көрсеткіштерге негізделеді. Сақтандыру процесінің өзі өте қарапайым көрінеді. Фермер алдымен Qoldau.kz порталына кіріп, «Agroinsurance» бөліміне баруы керек, онда сақтандыру өнімін таңдау керек. Әрі қарай сақтандыру компаниясы таңдалады, онымен ЭЦҚ қолдану арқылы электрондық келісімшарт жасап, қызметтер үшін ақы төленуі қажет. Осыдан кейін, спутниктік суреттер негізінде жасалған топырақ пен өсімдіктердегі ылғал қоры туралы мәліметтер беріледі.
